Marijuana nakit-an sa higad sang dalan sa Mandurriao

ILOILO CITY — Ginturn-over sa Iloilo City Police Station 10 ang anum ka sachets sang marijuana nga nakit-an sa higad sang dalan sa Brgy. San Rafael, Mandurriao kagab-i, Marso 29.

Suno kay Police Captain Val Cambel, officer-in-charge sang ICPS 10, pasado las-7:40 subong nga gab-i sang nakit-an sang 25-anyos nga lalaki ang marijuana nga naputos sa transparent plastic.

Nagkadto sa kilala niya nga barangay official sang Brgy. Tabucan, Mandurriao ang lalaki agud updan siya sa pag-turn-over sang nakit-an nga marijuana sa police.

Ipa-check sa Regional Forensic Unit ang nakit-an nga marijuana para sa laboratory examination suno sa police. — Aksyon Paula Elambayo