Estudyante sang Northern Iloilo State University patay sang na-aksidente sa Balasan

ILOILO — Nasapwan nga patay ang 22-anyos nga estudyante sang naaksidente sa Barangay Malbog, Balasan mga las-6 kaina sang aga.

Suno kay Police Senior Master Sergeant Ramon Allan Elambre, imbestigador sang Balasan Municipal Police Station, nahulog sa kilid sang karsada ang motorsiklo sang estudyante kag nakaigo ang iya ulo sa kahoy.

Nagaguwa sa pagpangusisa sang police nga birthday sang estudyante kahapon gani halin siya sa Batad upod sa iya mga abyan nga nag-inum-inom.

Tumandok sang Carles ang estudyante pero sa iya tiyo sa Estancia siya temporaryo nagatiner tungod sa Northern Iloilo State University siya naga-eskwela. — Aksyon Maria Kayla Tingzon