Iloilo City Mayor Jerry Treñas nag-ako nga nag-distansiya sadtu kay former Mayor Jed Mabilog agud indi madalahig sang gin-angut sa illegal drugs ang anay alkalde

ILOILO CITY—Gin-ako ni Iloilo City Mayor Jerry Treñas nga nagdistansiya siya sang ginhambalan sadto ni former House Speaker Pantaleon Alvarez nga madamo sang ebidensiya kontra kay former Mayor Jed Patrick Mabilog sa koneksyon niya sa illegal drug trade sa siyudad.

Ini agud indi siya madalahig ukon ma-associate sa anay alkalde.

Suno kay Mayor Treñas, “when then-Speaker Bebot Alvarez informed me that there was overwhelming evidence against Mr. Jed Mabilog, I decided to step back from any involvement to avoid being associated with him or his activities.”

Sang ginpamangkot naman sang Aksyon Radyo Iloilo kon ano ang iya ginhimo sang nagaduging ang illegal nga druga sa siyudad, ginpabutyag ni Mayor Treñas nga ang local chief executive ang may otoridad sa kapulisan sa idalom sang Local Government Code.

Tungod sini, wala siya sang direkta nga control sa Iloilo City Police Office, kag wala man sang access sa intelligence funds para sa anti-drug operations, dugang pa sang alkalde. Sang amo nga tion, si Treñas ang Lone District Representative sang Iloilo City sa Kongreso.

Ang mayor man suno kay Treñas ang may control sa law enforcement.

Paathag ni Mayor Treñas nga sang ginbansagan ang siyudad nga “most shabulized city,” ginhimo niya ang iya nagapanguna nga katungdanan bilang kongresista nga maghimo sang mga laye.– Aksyon Marvin Malificiar