Stay-in driver ni LTO 6 Dir. Gaudioso Geduspan nakaagum sang lima ka pilas sang pagkatiro
ILOILO — Lima ka pilas ang naagum sang stay-in driver ni Land Transportation Office 6 Director Atty. Gaudioso Geduspan sang gintiro sa Barangay Ungka II, Pavia.
Ginkilala ang biktima kay Wilmer Villarosa samtang suspects ang mag-utod nga Jester kag Jessie Machinal.
Suno kay Police Lieutenant Gabriel Manguera, deputy chief sang Pavia Municipal Police Station, nakita nga may tag-duha ka pilas sa ulo kag likod kag isa sa kamot nga agi sang 9mm nga pusil ang biktima.
Magluwas sa 9mm nga pusil may caliber 22 pa nga pusil nga gingamit sa krimen.
Wala na na-recover ang mga pusil tungod ginhaboy sang mga suspects suno sa police.
Nagaguwa sa imbestigasyon, nga tungod sa mga blotter reports sang Enero nga gin-file sang isa sa mga suspects may kaangtanan sa pagpamahog sa iya sang biktima, naghalin ang ila indi pag-intiendihanay.
Natana ipasaka ang kaso mga murder batok sa mga suspects.
Ginpa-autopsy na ang bangkay sang biktima. — Aksyon Maria Kayla Tingzon
