Mag-utod nga suspek sa pagpatay sa stay-in driver ni LTO 6 Dir. Gaudioso Geduspan napasakaan na sang kaso

ILOILO — Nagapangatubang sang kaso nga murder ang mag-utod nga suspek sa pagpatay sa stay-in driver ni Land Transportation Office 6 Director Gaudioso Geduspan sa Brgy. Ungka II, Pavia sang Abril 3.

Ginkumpirmar ni Police Major Rolando Araño, spokesperson sang Iloilo Police Provincial Office nga las-10 kahapon sang aga na-file ang kaso batok sa mga suspek.

Huwebes sang gab-i sang nagatindog sa guwa sang balay ang biktima nga si Wilmer Villarosa sang ginpalapitan sang mag-utod nga Jester kag Jessie Machinal kag gintiro.

May lima ka pilas sang pagkatiro ang biktima. — Aksyon Paula Elambayo