Imahen sang santos sa Agony Hill ginlamhitan pinta sang mga menor-de-edad

ILOILO — Ginlamhitan sang pinta sang lima ka menor de edad ang mga santos nga nahamtang sa Station 13 sa Agony Hill sa Alimodian.

Suno kay Police Captain Marion Asparo, officer-in-charge sang Alimodian Municipal Police Station, naghagaray ang mga menor de edad nga makadto sa lugar sang Domingo, Abril 6.

Sang nakaabot sa lugar, naabtan sang mga pamatan-on ang mga lata sang pinta nga may unod pa.

Wala na-report sa police ang natabo pero nakita sa social media ni Captain Asparo rason nga ginpakadtuan niya sa imbestigador.

Na-identify na sang Alimodian police ang mga menor nga nakita sa video.

Gin-turnover sang police sa Municipal Social Welfare and Development Office sang Alimodian ang lima ka menor-de-edad nga lalaki agud mahatagan sang intervention. — Aksyon Paula Elambayo