Mag-live in partner dakup sa drug buy bust sa Mina

Na-recover sa mag-live in partner ang P204,000 nga balor sang suspected shabu sa buy bust operation sa Brgy. Agmanaphao, Mina kahapon, Abril 9.

Ginkilala ang mga subject kanday alyas Lofie kag Rona nga residente sang amo nga barangay.

Sa operasyon sang police, gin-aku sang mga subject nga naga-engage sila sa illegal drugs suno kay Police Captain Isagani Tabares, hepe sang Mina Municipal Police Station.

Suno kay Tabares, gina-verify pa nila ang ginakuhaan sang supply sang illegal drugs sang mga subject.

Marso subong nga tuig na-monitor ang aktibidad sang subject suno sa police.

Na-recover ang tatlo ka sachets sang suspected shabu nga ginabanta nagabug-at sang 30 grams. — Source: University of Antique intern, Benz Felix Seduco