Magpakaisa nakuhaan sang P340K nga balor sang suspected shabu sa Balasan; main subject yara sa listahan sang PDEA

ILOILO — Nalakip sa listahan sang mga gina-monitor sang Philippine Drug Enforcement Agency (PDEA) ang main subject sa buy bust operation sa Brgy. Tingui-an, Balasan kahapon, Abril 9.

Ginkilala ang mga nadakpan nga magpakaisa kanday alyas Agoy nga yara sa listahan sang PDEA kag alyas Pompom nga newly-identified drug personality sang Balasan police.

Suno kay Police Captain Renzo Martinez, officer-in-charge sang Balasan Municipal Police Station, ginatudlo sang magpakaisa nga sa Estancia kag Iloilo City sila nagakuha sang supply sang illegal drugs.

Samtang, naga-transaksyon ang magpakaisa sa Balasan kag nagalab-ut sa Batad, Carles kag Estancia suno sa police.

Ginpahayag ni Martinez nga “active pusher” sa illegal drugs ang main subject nga si Agoy base sa monitoring sang PDEA.

Nagabalor sang P340,000 ang lima ka sachet sang suspected shabu nga na-recover sa operasyon.  — Aksyon Paula Elambayo