Security measures para sa May midterm elections plastado na
ILOILO CITY—Gin-finalize na sang Commission on Elections Western Visayas, Police Regional Office (PRO) 6, Coast Guard District Western Visayas, kag Armed Forces of the Philippines (AFP) Western Visayas ang security control measures para sa May 12 National and Local Midterm Elections.
Kaina sang aga naghiwat sang press conference ang Joint Security Control Center (RJSCC) 6 kun diin ginplastar ang security response kag deployment sa pagpasiguro sang “seamless and smooth” elections sa rehiyon.
Naka-focus ang preparasyon sang RJSCC 6 sa police deployment sa pag-transport sang mga logistics kapareho sang Automated Counting Machine (ACM), transmission devices, kag iban pa nga election forms and paraphernalia.
Gin-istoryahan man ang security deployment sa pag-transport sang iban pa nga election supplies kapareho sang balota kag indelible ink.
Sa bahin naman sang coordination sang apat ka ahensya sang gobyerno angut sa pag-monitor sa election-related incidents, makabig nga matawhay ang campaign period subong.
Padayon naman nga ginapasiguro sang kapulisan nga aktibo ang mga COMELEC checkpoints kag gin-orient ang mga police angut sa husto nga proseso nga ginapatuman sa checkpoint.
Ginpasalig naman sang Coast Guard District Western Visayas nga mangin smooth ang delivery sang election paraphernalia pakadto sa mga isla sa rehiyon. — Aksyon Marvin Malificiar
