Bangkay sang lalaki nga nasapwan nagalutaw sa Iloilo River sa Muelle Loney, City Proper nakilala na

ILOILO CITY — Nakilala na ang bangkay sang lalaki nga nasapwan nagalutaw sa Iloilo River nga sakop sang Brgy. Muelle Loney, City Proper kahapon.

Positibo nga ginkilala sang iya utod ang lalaki nga naga-edad sang masobra sa 50 anyos.

Wala na ginhingadlan sang police ang lalaki tungod sa hingyo sang pamilya.

Suno kay Police Lt. Romelo Tabuyoc sang Iloilo City Police Station 1, naka-agi stroke kag may problema sa panan-awan ang lalaki suno sa pamilya.

Indi na pag-ipa-autopsy sang pamilya ang bangkay tungod nagapati sila nga wala sang foul play sa kamatayon sang ila himata.-source: AM Reports