Barangay kagawad arestado sang nagpalupok sang pusil sa San Enrique
ILOILO — Nakaguwa na sa presuhan ang kagawad nga nagpalupok sang pusil sa Barangay Quinolpan, San Enrique sang Abril 10.
Suno kay Police Lieutenant Christy Val Dalde, officer in charge sang San Enrique Municipal Police Station, ma-overtake kuntani ang pribado nga salakyan nga ginamaneho sang kagawad pero wala naghatag sang ligwa ang truck.
Pareho nga halin sa Passi City ang mga salakyan.
Nakapauli pa ang kagawad sa iya balay pero tungod na-identify sang driver kag may nakakita sa natabo, gin-aresto siya.
Wala na na-recover ang pusil nga gingamit sa krimen.
May igo sang bala ang idalom nga porsyon sang puwertahan sa driver’s side kag nakita ang duha ka slug sang indi pa matumod nga pusil sa karsada.
Abril 11 sang napasaka ang kaso nga frustrated murder kag gilayon nga nakapiyansa ang kagawad sa balor nga P50,000. — Aksyon Maria Kayla Tingzon
