Balay sang pulis sa Carles ginkawatan; suspek nadakpan
ILOILO — Ginsulod kag ginkawatan ang balay sang pulis nga na-assign sa Carles Municipal Police Station sa Brgy. Bolo, Carles kahapon sang hapon.
Suno kay Police Senior Master Sergeant Kristopher Balaan, imbestigador sang Carles Municipal Police Station, nagtawag sa police station si Police Senior Master Sergeant Arman Bermil tungod ginsulod ang iya balay.
Sa imbestigasyon sang police, ginguba sang suspek ang pwertahan sa kusina rason nga nakasulod.
Nagdalagan pasulod sa kwarto ang duha ka bata nga babaye ni PSMg Bermil nga lunsay menor-de-edad sang nakit-an ang suspek.
Nagdiretso sa kwarto ni PSMg Bermil ang suspek kag ginkuha ang P2,500 nga sinsilyo sa alkansiya.
Wala sa balay ang pulis tungod may ginkadtuan, suno kay PSMg Balaan.
Nadakpan ang suspek sang ginlagas sang kapulisan kag preso na sa Carles MPS. — Aksyon Paula Elambayo
