Flight sang Scoot Airlines nagsugod na sa Iloilo-Singapore vice versa

ILOILO — Naghugpa kahapon, Abril 14 ang Scoot Airlines sa Iloilo International Airport halin sa Singapore nga patimaan sang pagsugod sang direct flight halin Iloilo-Singapore kag vice versa.

108 ka mga pasahero ang nagsakay sa labing una nga flight halin sa Singapore padulong sa Iloilo. Samtang, 104 ka mga pasahero naman ang nagsakay padulong sa Singapore halin sa Iloilo.

Kada semana, may yara sang duha ka flights ang low-cost Scoot Airlines — kada Lunes kag Miyerkules. Pero himuon ini nga apat sugod sa Hunyo.

“This new direct connection not only strengthens existing ties but also opens opportunities for tourism, trade, and cultural exchange between Iloilo and Singapore,” suno sa CAAP Region 6.

Sa subong, may yara sang tatlo ka mga international flights nga Iloilo- Hong Kong, Iloilo- Singapore, kag Iloilo – Thailand nga gina-operate sang Cebu Pacific. — Source: CAAP Area 6