King cobra nakit-an sa Lambunao suno sa Municipal ENRO

ILOILO — Kumpirmado nga King Cobra, dalitan nga man-og ang nakit-an kag ginpatay sang mga residente sa Brgy. Tampucao, Lambunao sang Marso 7.

Suno kay Engr. Leony Loot sang Municipal Environment and Natural Resources Office sang Lambunao, ginpadala nila sa mga wildlife experts ang litrato sang man-og kag ginkumpirmar nga King Cobra ang nakit-an sa nasambit nga barangay.

Ginpadala suno sa iya, ang litrato sang man-og sa mga experts sang Philbio Deography Wildlife, Philippine Snake ID Group, kag Philippines Biodiversity Conservation Foundation, Inc.

Ginpatay sang mga residente ang nasambit nga man-og tungod nga hana nga magbato kag agud indi na makapanghalit sa mga residente.

Gindugang pa ni Loot nga indi ini ang labing una nga may nakit-an nga pareho nga man-og, nga nagapatimaan nga may naga-egsister nga King Cobra sa lugar. — Aksyon Paula Elambayo