Pag-obserbar sang Semana Santa sa Iloilo City nangin matawhay — ICPO

Ginpasalamatan ni Iloilo City Police Office Director, Col. Kim Legada ang kooperasyon sang publiko sa pag-obserbar sang Semana Santa tungod napabilin nga matawhay kag wala sang dalagku nga mga insidente.

Nangin matawhay ang Semana Santa suno kay Legada tungod sa hugot nga pagbantay sang kapulisan, kooperasyon sang mga pumuluyo, kag mga proactive measures nga ginpatuman upod sa mga stakeholders.

Nagpasalamat man si Legada sa mga force multipliers nga nagbulig sa pagbantay upod sa kapulisan.

Halin Lunes Santo tubtob Easter Sunday, naka-deploy ang kapulisan sa mga key areas kag mga lugar nga ginatipunan sang mga tawo kasubong sang simbahan, terminals, seaports, tourist destinations, kag mga major thoroughfares. May ginplastar man nga mga Police Assistance Desks para sa madasig nga paghatag sang assistance sa publiko.

Bisan natapos na ang Semana Santa, nagapanugyan gihapon ang ICPO sa publiko nga magbilin nga mabinantayon kag gilayon mag-report sa police konmay makaduluda nga tawo ukon aktibidad sa ila lugar ilabi pa nga nagahilapit ang May 2025 Midterm Elections. — ICPO