Stockroom sang balay nasunog sa Jaro
LOILO CITY — Nasunog ang stockroom sang tatlo ka panalgan nga balay sa Brgy. Cuartero, Jaro kagab-i, Abril 20.
Suno sa mga naga-estar sa balay, may nakakita nga nag-igrab ang poste sang kuryente sa guwa sang balay. Nagguwa ang mga naga-estar agud i-check pero gulpi nga nagakalayo na sa ikaduha nga panalgan sang balay.
May residente nga nagbulig palong sang kalayo gamit ang fire extinguisher.
Tatlo ka panalgan ang balay —simbahan sa una nga panalgan kag mga kwarto sa ikaduha nga panalgan.
Wala na sang kalayo pag-abot sang responders pero ginsulod ang stockroom agud ma-check kon may kalayo pa ukon baga.
Nakaguwa ang 13 ka indibidwal nga naga-estar sa balay kag wala sang may napilasan.
Gina-imbestigaran na sang Bureau of Fire Protection – Iloilo City kon ano ang ginhalinan sang pagkalayo.
