Bayaw pilason sang ginlabu sa Calinog

ILOILO — Pilas sa agtang kag sa wala nga butkon ang naagum sang 42-anyos nga bayaw sang ginlabu sa Brgy. Cabagiao, Calinogkahapon, Abril 23.

Ginkilala ang suspek kay alyas Nonoy, 41-anyos samtang ang biktima ginkilala kay alyas Mae, 42–anyos.

Suno kay Police Major Myles Dieron, officer-in-charge sang Calinog Municipal Police Station, papuli sa ila balay ang suspek nga halin sa balay sang iya amay tungod nag-inum-inom sang makahulubog nga ilimnon.

Samtang nagapapuli, nasugata sang suspek ang biktima nga nagalakat kag ginlabu gamit ang binangon.

Daan nga hiligut-anon ang motibo sa krimen suno sa police.

Ginhingagaw dala sa ospital ang biktima nga estable na ang kondisyon.

Naabtan sang police sa lugar ang suspek kag naaresto nga preso sa Calinog Police Station. — Aksyon Paula Elambayo