IPPO Director, PCOL Bayani Razalan gin-request sang PRO 6 nga i-relieve; clearance sang Comelec ginahulat na lang

ILOILO— Nag-request ang Police Regional Office (PRO) 6 nga i-relieve si Police Colonel Bayani Razalan, director sang Iloilo Police Provincial Office.

Suno kay PRO Regional Director BGEN Jack Wanky, ginahulat pa nila ang clearance halin sa Commission on Elections (Comelec) Central Office para ma-aprubahan ang request sang PRO 6.

Ginpabutyag ni Wanky nga PRO 6 ang nag-request sang pag-relieve kay Razalan kasunod sang mandu halin sa PNP headquarters.

“Wala man ginhambal ang reason. Indi ko man puwede nga question-non kon ano ang ila reason didto sa babaw. Para man na sa kaayuhan sang organisasyon,” suno kay Wanky.

Gindugang niya nga “performer” man si Colonel Razalan kag madamo sang accomplishment sa probinsya.

Kon i-approve sang COMELEC ang request, temporaryo nga mangin concurrent OIC Provincial director si Colonel Rolando Bulalacao nga chief regional staff sang PRO 6.

Ginpili si Bulalacao, suno kay Wanky tungod siya ang nakita nga puwede ibutang sa posisyon kasunod sang mandu sang PNP headquarters nga magbutang sang direktor nga indi halin sa Western Visayas. — Aksyon Farrah Mae Morano