P2.2 million nga balor sang suspected shabu na-recover sa mag-live in partner sa Jaro
ILOILO CITY — Na-recover sa maglive-in partner ang P2,244,000 nga balor sang suspected shabu sa buy bust operation sa Brgy. Luna, Jaro kahapon, Abril 24.
Sa impormasyon sang Aksyon Radyo Iloilo, nakaagi na nadakpan may kaangtanan sa illegal drugs si alyas Mark nga residente sang Brgy. Bolaran, Banate.
Dakup man sa operasyon ang iya live-in partner nga ginkilala kay alyas Maris nga taga-Malipayon, Iloilo City.
Sa operasyon sang police, na-recover ang lima ka dalagku nga sachet sang suspected shabu kag tatlo ka sachet nga nagabug-at sang 330 grams.
Magluwas sa mga drug paraphernalias, na-recover man ang duha ka cellphone, aluminom foil, disposable lighters kag digital weighing scale.
Ginakabig sang police nga high value drug personality ang mga nadakpan. — Aksyon Paula Elambayo
