Kisame sa entrance sang Zuri Hotel sa Mandurriao narumpag; 3 ka salakyan kag 1 ka motorsiklo na-damage sang nahulugan sang debris

ILOILO CITY — Narusdak ang kisame sa entrance sang Zuri Hotel sa Mandurriao pasado las-11:00 kagab-i.

Sa impormasyon nga nakuha sang Aksyon Radyo Iloilo, gulpi lang naghuyop ang mabaskog nga hangin sa area kag nabatian ang pagrusdak sang kisame.

Tatlo ka pribado nga salakyan kag isa ka motorsiklo ang nahulugan sang debris sang kisame.

Nakaagum sang pilas sa ulo kag nabali ang wala nga tiil sang driver sang motorsiklo nga gindala sa Iloilo Doctor’s Hospital. — Aksyon Paula Elambayo