Veteran journalist, former Kalibo Mayor Johnny Dayang patay sang gintiro sa ila balay sa Kalibo

AKLAN—Dead-on-arrrival sa ospital si veteran journalist kag former Kalibo Mayor Johny Dayang sang gintiro sa iya balay sa Brgy Andagao, Kalibo kagab-i, Abril 29.

Ini ang ginkumpirmar ni Capt Aubrey Ayon, PIO sang Aklan Police Provincial Office.

Sa impormasyon, nakabati ang mga residente sang duha tubtob tatlo ka lupok sang pusil tubtob nabalitaan nga natiruhan na si Dayang.

Gindala pa sa ospital si Dayang pero gindeklarar nga DOA.

Nagapadayon subong ang drag net operation agud madakpan ang suspek sa pagpangtiro.

Ang 89-anyos nga biktima ang chairman sang Aklan Press Club kag anay presidente sang Publishers Association of the Philippines Inc.

Publisher man siya sang Philippine Graphic Magazine kag Headline Manila daily newspaper.