Lalaki nga nakuhaan sang marijuana sa Jaro nagpositibo sa drug test — pulis

ILOILO CITY — Nag-positibo sa drug test ang 24-anyos nga lalaki nga nakuhaan sang sachet sang marijuana sang gindala sa barangay hall tungod naaktuhan nga nagpang-vandal sa road signage sa Brgy. Lopez Jaena, Jaro kahapon, Abril 30.

Ginkumpirmar ni Police Major Eduardo Siacon Jr., officer-in-charge sang Police Station 9 nga nag-positibo sa metamphetamine ukon shabu ang lalaki.

Samtang, kumpirmado nga marijuana ang unod sang na-recover nga sachet suno kay Siacon.

Ginapreparar na sang Police Station 9 ang pagpasaka sang kaso sa lalaki sa paglapas sa Regulation Ordinance No. 2004-149 ukon ang Iloilo City Environmental Code kag paglapas sa Republic Act 9165 ukon ang Comprehensive Dangerous Drugs Act of 2002.

Detained sa Police Station 2 sa La Paz ang lalaki. — Aksyon Paula Elambayo