Registered criminologist dakup sa buy bust operation sa Janiuay

ILOILO — Dakup ang 29-anyos nga registered criminologist sa buy bust operation sa Brgy. Tamu-an, Janiuay kaina sang aga.

Ginkilala ang subject kay alyas Rex nga taga-Sambag, Zarraga pero temporaryo nagatiner sa balay sang iya tiya sa Brgy. Tamu-an.

Suno kay Police Captain Hector Ayagan, officer-in-charge sang Janiuay Municipal Police Station, na-monitor sa sulod sang isa ka bulan ang ilegal nga aktibidad sang subject tungod sa mga reklamo sang pumuluyo.

Ginpahayag sang police nga sa Cabatuan ginakuha sang subject ang supply sang illegal drugs kag ginabaligya sa mga kaiping nga barangay sa Janiuay.

Nabaklan sang isa ka sachet sang suspected shabu ang subject samtang na-recover ang pito ka sachet sang suspected shabu nga nagabalor sang P170,000

Preso sa Janiuay Police Station ang subject. — Aksyon Paula Elambayo