Homecoming ni Miss Eco International 2025 Alexie Brooks hiwaton sa Mayo 5

ILOILO CITY — Ginabantayan na sang mga Ilonggo ang homecoming ni Miss Eco International 2025 Alexie Brooks sa Mayo 5.

Base sa announcement sang SM City Iloilo, may programa nga hiwaton las-singko sa hapon sa Mayo 5 sa Event Center sang mall para kay Alexie.

Antes pa man ang homecoming activity, nakabalik na sa Iloilo ang Ilongga beauty queen pila ka adlaw matapos makuha ang korona sa nasambit nga international pageant nga ginhiwat sa Egypt.

Sa iya Facebook post sang Abril 28, ginbisita ni Alexie ang pantiyon ni Lola Basing sa Leon, Iloilo agud magsindi sang kandila. — Source: SM City Iloilo