Nagkalain-lain nga hinganiban na-recover sang nagserbe ang police sang search warrant sa La Paz

ILOILO CITY— Na-recover ang nagkalain-lain nga hinganiban sang nagserbe sang search warrant ang mga katapo sang Iloilo City Intelligence Unit sa Brgy. Nabitasan, La Paz las-3:30 sang kaagahon.

Sa operasyon nga ginpamunuan ni Police Lieutenant Colonel Dante Tayco, na-recover ang isa ka M26 high explosive grenade, isa ka caliber .38 revolver; anum ka rounds sang bala para sa caliber .38 revolver, isa ka caliber .45 Colt pistol, isa ka magazine para sa caliber .45 pistol; kag apat ka rounds sang bala para sa caliber .45 pistol.

Na-aresto ang subject nga si alyas Bunso, 22-anyos, samtang nakapalagyo ang iya upod nga si alyas Boyboy, 25-anyos.

Ginpanginbulahan naman ni ICPO Director Police Colonel Kim Legada ang City Intelligence Unit sa madinalag-on nga operasyon.

“This accomplishment is the result of your hard work and dedication. Continue monitoring individuals in possession of loose firearms, and if warranted, initiate appropriate law enforcement actions, especially as the election period approaches. These efforts contribute to our goal of achieving peaceful and orderly elections,” suno pa kay Legada. — Aksyon Farrah Mae Morano