30 ka botante nagpartisipar sa mock elections sa 3 ka clustered precincts sang Airport, Mandurriao
ILOILO CITY—Nagpartisipar ang 30 ka mga botante sang Airport, Mandurriao sa mock elections kadungan sang final testing and sealing sang Automated Counting Machines (ACMs) sa Festive Walk Mall kahapon, May 5.
Magaserbe nga polling center ang mall sa Mayo 12 para sa mga taga-Airport, Mandurriao.
Sa mock elections ginsunod sang mga botante ang husto nga proseso sa pagboto:
*ginhatagan sang sample ballot
*nagboto paagi sa pag-shade sa balota
*gingulo sa ACM ang sample ballot
*pagkatapos sang pila ka segundos, nagguwa sa monitor sang ACM ang actual image sang ginmarkahan nga balota, kag may nagguwa man nga resibo sang ginboto kag pwede ma-review
*ginhulog sa receptacle ang resibo kag nagpabutang sang indelible ink (himuon sa adlaw sang eleksyon) sa electoral board.
Ginselyuhan ang ACM pagkatapos sang final testing kag ginpatago sa storage facility sang mall. Magapabilin nga selyado ang ACM tubtob las-4 sang aga sa Mayo 12. — Aksyon Marvin Malificiar
