Election equipment kag mga paraphernalia para sa 2025 midterm elections nabaton na sang Comelec Iloilo Province

Ginpahibalo sang Office of the Provincial Election Supervisor sang COMELEC Iloilo Province nga nabaton na nila ang mga Automated Election System Equipment kag Election Paraphernalia nga gamiton sa May 12 National and Local Elections sa siyudad kag probinsiya.

Ginalakipan ini sang 2,688 ka bundle sang mga official ballots para sa 1,649,730 ka mga rehistrado nga mga botante sa siyudad kag probinsiya sang Iloilo.

Lakip man diri ang 2,688 ka mga Automated Counting Machines kag 378 ka mga contingency machines; 2,643 ka mga batteries kag 242 ka reserba nga mga batteries; 2,643 ka mga ballot boxes; kag 45 ka mga consolidated canvassing system kits.

Hiwaton ang final testing and sealing sang mga machines sa Mayo 7 sa bug-os nga rehiyon 6. – source | Comelec Iloilo Province