P2.2 million nga balor sang suspected shabu na-recover sa buy bust operation sang RPDEU sa Tubungan

ILOILO — Naglab-ut sa P2,244,000 nga balor sang suspected shabu ang na-recover sa 24-anyos nga lalaki sa buy bust operation sang Regional Police Drug Enforcement Unit (RPDEU 6)sa Brgy. Igtuble, Tubungan pasado kahapon, Mayo 7.

Ginkilala ang subject kay alyas Alex nga residente sang amo nga barangay.

Suno kay Police Captain Glenn Soliman, head sang RPDEU 6, ginakabig nga “bodegero” sang illegal drugs ang subject nga tatlo ka bulan gin-monitor.

Base sa monitoring sang police, ginasaligan sang iya boss si Alex sa pagbaligya sang illegal drugs partikular sa mga kabanwahanan sa Primier Distrito sa probinsiya sang Iloilo.

Sa pagpangusisa sang police, nagsugod sang 2024 ang pag-engage sang illegal drugs sang subject.

Magluwas sa mga drug paraphernalias, na-recover sang kapulisan ang .38 calibre revolver nga pusil.

Detained sa Tubungan Police Station ang subject. — Aksyon Paula Elambayo