Suspected shabu kag drug paraphernalia nga nasulod sa case sang antipara nakit-an sang barangay tanod sa Jaro

ILOILO CITY — Ginturn-over sa Police Station 9 sa M.H del Pilar, Jaro ang nakita nga suspected shabu sa sulod sang case sang antipara sa Brgy. Arguelles, Jaro kahapon san aga, Mayo 7

Suno kay Police Major Eduardo Siacon, Jr. officer-in-charge sang PS9, nakit-an sang barangay tanod nga nagapungko lapit sa tyangge ang case sang antipara.

Sang ginbuksan, sachet sang suspected shabu, tooter kag aluminom foil ang unod sang case sang antipara gani nagtawag sa police.

Ginpadala sa crime laboratory sa PRO 6 ang suspected shabu nga nakit-an suno kay Siacon.

Base sa pagpangusisa ni Punong Barangay Tommy Ledesma sang Arguelles, Jaro may nakasugid nga may duha ka lalaki ang nagpangape sa tyangge kaina sang aga pero indi kilala suno kay Kapitan.

Ini ang labing-una nga tion nga may nakit-an nga suspected shabu sa ila barangay. — Aksyon Paula Elambayo