Final testing and sealing sang 417 ka ACMs ka sa Iloilo City matalunsay suno sa City Comelec
ILOILO CITY—Matalunsay ang ginhimo nga final testing and sealing (FTS) sang mga Automated Counting Machines (ACMs) sa tagsa ka voting centers sa siyudad suno sa Commission on Elections (COMELEC) Iloilo City.
Nahibaluan nga may 66 ka voting centers sa siyudad, kon diin una ginhimo ang FTS sa Festive Walk Mall sang Mayo 5 para sa tatlo ka clustered precincts sang Airport, Mandurriao.
Subong naman nga adlaw ginhimo ang FTS sa nabilin nga 414 ka clustered precints sa mga voting centers.
Wala sang major concern nga nabaton ang city COMELEC halin sa 417 tanan ka ACMs nga ginpaidalum sa FTS.
Sa FTS ginsunod ang husto nga proseso sang pagboto tubtob naka-generate sang resibo sang ginboto nga mga kandidato ang ACM agud ma-check ang accuracy sini.
Sa subong handa na ang city COMELEC kag ang tanan nga ACMs para sa 417 ka clustered precincts sa piniliay sa Mayo 12.
Ginselyuhan kag gintago sa storage facility sang tagsa ka voting centers ang mga ACMs pagkatapos sang FTS kag guwardiyado ini sang kapulisan. — Aksyon Marvin Malificiar
