Kandidato sa pagka-alkalde sa Leon nag-withdraw sang iya kandidatura

ILOILO — Nag-withdraw sang iya kandidatura sa pagka-alkalde sa Leon si former Sangguniang Bayan (SB) Member Ramil Capariño, pila ka adlaw antes ang May 12 election.

Ginkumpirmar ni Capariño nga nagpadulong na siya sa Municipal Comelec Office sang Leon agud isumiter ang form nga nagabawi sang iya kandidatura.

Gin-ako ni Capariño nga alang-alang ang iya makinarya batuk kanday Mayoral candidates Jun Calico kag incumbent Mayor Ma. Lina Holipas gani nagkonsulta siya sa iya mga lideres tubtob nagdesisyon nga mag-isol sa pagpadalagan sa nasambit nga posisyon.

Nagdeklarar naman sang iya suporta si Capariño kay Calico nga naga-isahanon na lang nga naga-engkwentro kay Holipas.

Antes naghandom nga mangin alkalde sa Leon, nangin SB Member si Capariño halin sang 1995 tubtob 2004.

Una na nga ginpahayag sang Comelec nga bisan nag-withdraw ang kandidato magapabilin gihapon ang iya ngalan sa balota tungod na-imprinta na ini. — Source: Leon Iloilo Updates/ FB