9 ka pasahero pilason sang nagkaya ang jeep sa Leon; driver nadulaan sang kontrol sa preno

ILOILO — Siyam ka pasahero ang pilason sang nagkaya ang jeep sa Brgy. Cagay, Leon kahapon sang hapon, May 8.

Suno kay Police Lieutenant Mark Cortez, deputy station commander sang Leon Municipal Police Station, papuli na sa Brgy. Ingay ang jeep halin sa banwa sang natabo ang aksidente.

Sa imbestigasyon sang police, nagpundo sa mataas nga porsyon sang dalan ang driver sang jeep tungod mapapanaug sang mga karga.

Ginpahayag sang police nga nagbutang sang kalso ang kundoktor sang jeep sang nadulaan sang kontrol sa preno ang driver.

Tungod sini nag-us os sa idalum ang jeep kag nagkaya.

Nakaagum sang minor injuries ang mga pasahero nga napilasan samtang detained sa Leon Police Station ang driver sang jeep. — Aksyon Paula Elambayo