Driver sang motorsiklo patay sang nakabunggo sa SUV sa Lanit, Jaro

ILOILO— Dead-on-arrival ang driver sang motorsiklo nga nakabunggo sa SUV sa Brgy. Lanit, Jaro las-9 kagab-i.

Suno kay Patrolman Japhet Cudo, traffic investigator Traffic Enforcement Unit (TEU), halin sa circumferential road kag pakadto sa Leganes ang motorsiklo nga ginamaneho sang 58-anyos nga lalaki nga taga-Tacas, Jaro.

Halin naman sa Leganes kag pakadto sa circumferential road ang direksyon sang SUV nga ginamaneho sang 56-anyos nga lalaki nga taga-Leganes, suno sa police.

Sa imbestigasyon, pag-abot sa taytay, naglapaw sa linya ang motorsiklo gani nakabunggo sa SUV, suno sa police.

Gindala pa sa ospital ang driver sang motorsiklo pero gindeklarar nga dead-on-arrival tungod sang pilas sa ulo kag dughan.

Naka-hospital arrest naman ang driver sang SUV.

Gin-imbestigaran pa sang police ang natabo tungod may mga indi pa maklaro nga mga impormasyon. Gindugang niya nga mamunog ang ulan kagab-i gani wala pa sang may makita nga testigo. — Aksyon Paula Elambayo