Lalaki nasapwan patay sa kanal sa Oton

ILOILO — Patay na sang nasapwan sa kanal ang ginabanta 30-anyos nga lalaki sa Barangay Sta. Rita, Oton mga las-6 subong nga aga.

Suno sa nakasapo nga si Rogelio, ginsundan niya ang dugo sa dalan tubtob nakita ang lawas sang lalaki sa kanal.

Una niya nakita ang tiil nga nagaguwa sa kanal samtang natabunan ang guya.

Sang ginpadulungan sang barangay officials kag mga pulis, nakilala ang lalaki nga kasilingan man ni Rogelio nga si Junior, may pilas sang pagkabuno sa wala nga butkon kag wala nga paa.

Ginpahayag ni Rogelio nga nabatian niya ang biktima kag amay sang biktima nga si Rey, 60-anyos, nga naga-istoryahanay kagab-i kag upod nga naga-inum-inom sa sulod sang ila balay.

Nakabati man si Rogelio sang lagpok kagab-i pero wala niya ginsapak.

May black eye kag mga pilas sa nawong ang amay gani gindala sa police station agud imbestigaran. — Aksyon Maria Kayla Tingzon