Beautician nasapwan patay nga may pilas sa ulo sa Estancia; Solterito nga karelasyon sang biktima ginatudlo nga person of interest
ILOILO — Yara na sa advanced state of decomposition sang nasapwan ang beautician sa sulod sang iya balay sa Brgy. Pa-on, Estancia kaina sang aga.
Ginkilala sang police ang biktima kay Wenceslao Barana, 53, nagatrabaho nga beautician sa Estancia.
Suno kay Police Master Sergeant Dan Gerald Allanic, imbestigador sang Estancia Municipal Police Station, may pilas sa ulo tungod sang pagkalampos sang nasapwan si Barana.
Antes nadiskubrehan ang bangkay sang biktima, ginkatingala sang iya mga paryente nga wala na siya nakita sa ila lugar sang tinalikdan nga inadlaw. Tungod sini, ginkadtuan nila ang balay ni Barana, ginbuksan ang bintana kag nakita ang lawas nga ginatabunan sang ulonan nga may mga dugo.
Pagpangawat ang ginasunod nga anggulo sang kapulisan tungod nadula ang cellphone, cash, kag alahas ni Barana.
Ginakabig sang kapulisan nga person of interest ang 17-anyos nga solterito nga ginapatihan karelasyon sang biktima. — Aksyon Kikik Enar
