Iloilo City Congressw. Julienne Baronda nagpasalig nga indi pagpabay-an ang mga kandidato sa pagka-konsehal sang Team Sulong Gugma nga napierde sa May 12 elections
Indi pagpabay-an ni reelected Iloilo City Rep. Julienne Baronda ang mga nangin kandidato sang Team Sulong Gugma sa pagka-konsehal nga napierde sa May 12 elections.
Sa bag-o lang natapos nga eleksyon, isa lang sa 10 ka mga kandidato sa pagkakonsehal sang Team Sulong Gugma ang nagdaug.
Suno kay Baronda, padayunon sang pila ka mga kaalyado niya ang ila adbokasiya antes nagpadalagan sa eleksyon.
May mga kaalyado siya nga mabulig sa mga programa nga ginapatuman sang opisina sang kongresista agud madamo pa nga mga Ilonggo ang mabuligan.
Si Baronda ang magapangalagad para sa iya katapusan nga termino.
