13 ka tonelada nga paho ginpreparar para sa Manggahan Festival sa Guimaras
GUIMARAS — Matam-is nga paho ang isa sa mga ginapangita sang mga bisita kon magtabok sa Guimaras.
Tungod sini, nagpreparar ang probinsiya sang 13 ka tonelada sang paho sa 10 ka adlaw nga selebrasyon sang Manggahan Festival 2025 nga nagsugod sang Mayo 16.
Lakip sa highlight sang selebrasyon kag tuigan nga ginadugukan sang mga bisita ang mango-eat-all-you-can. Sa balor nga P100, makapagusto na sa pagkaon sang paho sa sulod sang 30 minutos.
Magluwas diri, balantayan man ang cultural and streetdance competition sa diin mapasundayag ang lima ka mga banwa sa probinsiya paagi sa pagpakita sang ila kultura kag tradisyon paagi sa saot kag musika.
May yara man sang sports events; agri-fishery fair; Mr. and Miss Guimaras beauty pageants; Kabataan (Youth) Day; government services fair; Farmers and Fisherfolk Day; kag Provincehood Night. — Source: Province of Guimaras
