15,000 ka delegasyon ginapaabot nga matingub sa Palarong Pambansa 2025 sa Ilocos Norte
ILOCOS NORTE — Ginabanta sa 15,000 ka mga delegasyon ang ginapaabot nga matingub sa Ilocos Norte para sa Palarong Pambansa, isa sa mga pinakadaku nga sports events sa Pilipinas, halin sa Mayo 24 tubtob 31 subong nga tuig.
Lakip na diri ang mga student-athletes, coaches, kag officials halin sa 20 ka mga athletic associations mga ginabug-usan sang 18 ka mga rehiyon, National Academy of Sports, kag Philippine Schools Overseas.
May yara sang 34 ka mga sports sa Palarong Pambansa nga hiwaton sa duha ka siyudad kag siyam ka mga banwa sa Ilocos Norte. Masugod ang mga hinampang sa Mayo 25 tubtob 30 kag hiwaton ang closing ceremony sa Mayo 31.
Sang nagligad nga tuig, nakuha sang National Capital Region (NCR) ang kampeonato, ginasundan sang CALABARZON, kag nagpangatlo ang Western Visayas. Ini man ang katapusan nga tion nga maga-upod pa ang Negros Occidental sa Region 6.
Amat-amat na nga nag-alabutan sa Ilocos Norte ang mga delegasyon agud tempranu nga mapreparahan ang ila tagsa ka mga events.
