Manugtapas tubo patay sang ginlabu sa ilimnan sa Badiangan; Suspek na-impito tungod sa gin-alegar nga tinikal sang biktima
ILOILO — Patay ang manugtapas sang tubo sang ginlabu sang upod sa ilimnan sa Brgy. Budiawe, Badiangan kahapon sang hapon, Mayo 20.
Suno kay Police Master Sergeant Ben Bullon, imbestigador sang Badiangan Municipal Police Station, nag-inum inom ang biktima upod sa ila mga abyan sa balay sang suspek.
Sa pagpangusisa sang police sa suspek, na-impito siya tungod nagatinikal ang biktima gani ginlabu niya.
Yara sa impluwensiya sang makahulubog nga ilimnon ang biktima kag suspek, suno sa police.
Ginhingagaw dala sa ospital ang biktima pero gindeklarar nga dead-on-arrival tungod sa pilas sa ulo.
Detained sa Badiangan Police Station ang suspek nga magapangatubang sang kaso nga murder, suno pa sa police. — Aksyon Paula Elambayo
