Western Visayas tinguhaan nga maagaw ang kampeonato sa NCR sa Palarong Pambansa 2025; 2 ka national records depensahan sang Region 6
ILOILO CITY — Tinguhaan sang Western Visayas nga maagaw ang kampeonato sa National Capital Region (NCR) sa nagahilapit nga Palarong Pambansa 2025, isa sa mga pinakadaku nga sports events sa Pilipinas.
Buksan sa Mayo 24 kag matakop sa Mayo 31 ang Palarong Pambansa sa Ilocos Norte nga pasakupan sang ginabanta 15,000 ka mga delegasyon halin sa nagkalain-lain nga rehiyon sa pungsod.
Suno kay Mr. Hernani Escullar, Jr., spokesperson sang Department of Education (DepEd) 6, magluwas sa handom nga makuha ang kampeonato, duha man ka national records ang depensahan sang atleta halin sa Region 6 sa swimming kag javelin throw.
Sang nagligad nga tuig, nagtapos sa ikatatlo nga puwesto ang Western Visayas, mas manubo sa second spot sang 2024.
“This year marks a unique participation for us, as we still have athletes from Negros Occidental included in the delegation. Beginning next year, they will form part of the new Negros Island Region (NIR) and compete separately,” suno kay Escullar.
Ginabug-usan ang delegasyon sang Western Visayas sang 608 athletes, 88 coaches, 24 assistant coaches, 40 chaperones, pito ka miyembro sang management committee, 43 oversight members, kag 195 members sang technical working group nga kadamuan nag-abot na sa Ilocos Norte. — with additional information from PNA
