Babaye patay sang nalumos sa suba sa Dumangas
ILOILO — Patay ang 57-anyos nga babaye sang nalumos sa suba sa Brgy. Pulao, Dumangas kahapon sang hapon, Mayo 22
Suno kay Police Senior Master Sergeant Efren Gonzaga, imbestigador sang Dumangas Municipal Police Station, nagpangahoy malapit sa suba ang biktima kag posible nakadanlog gani nahulog sa tubig.
Sa imbestigasyon sang police, may nakakita sa biktima nga nagapangayo sang bulig.
Tungod sini, nagpangayo sang bulig ang residente pero sang nakapalapit na sa lugar, wala na ang babaye.
Nagbululigay ang mga responders sa pagpangita sa babaye agud masalbar pero wala natabangan.
Kumbinsido ang pamilya nga wala sang foul play, suno sa police. — Aksyon Paula Elambayo
