Rider nga ginreklamo nagtuyo himulos sa iya pasahero sa Oton pasakaan sang kaso sa Lunes

Pasakaan sang kaso sa Lunes, Mayo 26, ang rider nga ginreklamo nga nagtuyo himulos sa dalaga niya nga pasahero sa Oton.

Ini ang ginkumpirmar sang bayaw ni alyas Marie sang nagbisita sila sa Oton Police Station subong nga gab-i para magproseso sang iban pa nga mga dokumento sa pagpasaka sang kaso.

Si Marie ang pasahero nga nagreklamo nga gintuyo himuslan sang rider nga iya gin-hire para kuntani magpadul-ong sa iya boarding house sang Mayo 18 sang gab-i.

Pero imbes nga magdiretso sa boarding house, ginhapit siya sang rider sa madulom nga kahilamunan sa Brgy. Pulo Maestra Vita, Oton.

Una na ginpahayag sang Oton police nga nakilala nila ang ginareklamo nga rider paagi sa ila pagpangusisa sa mga rider communities.

Ginpahayag sang bayaw ni Marie nga suno sa police, wala na sa lugar nga iya ginapulian ang rider kag ginapatihan nga nagpaamulya sa iban nga banwa.