Barangay tanod kag hinablos dakup sa drug buy bust sa Jaro
ILOILO CITY — Arestado ang barangay tanod kag iya hinablos sa drug buy bust operation sang Station Drug Enforcement Team sang Police Station 9 sa Brgy. Cubay, Jaro pasado kagab-i, Hunyo 3.
Ginkilala ang nadakpan kanday Alberto Palomita, tanod sa Brgy. San Pedro, Jaro kag iya hinablos nga si Aldrick Palomita Perez.
Suno kay Police Major Eduardo Siacon, Jr., officer-in-charge sang Police Station 9, duha ka semana nga gin-monitor ang magtiyo antes gin-operate.
Sa impormasyon sang police, sa Manila nagahalin ang supply sang illegal drugs sang magtiyo pero padayon pa ini nga gina-verify.
Na-recover sa operasyon ang pito ka sachets sang suspected shabu kag may standard drug price nga P34,000.
Yara sa kustodiya sang Police Station 9 ang magtiyo. — Aksyon Paula Elambayo
