Amay nga ginlampusan sang tubo sang iya bata sa Estancia napatay samtang ginabulong sa ospital
ILOILO — Napatay samtang ginabulong sa ospital ang 50-anyos nga amay sang ginlampusan sang iya bata nga babaye sa Brgy. Tacbuyan, Estancia sang Hunyo 4.
Ginkumpirmar ni Police Master Sergeant Dan Allanic, imbestigador sang Estancia Municipal Police Station nga nagpahibalo ang utod nga napatay ang biktima sa ospital sa siyudad sang Iloilo.
Sa imbestigasyon sang police, nagbaisay ang suspek kag ang biktima sa ila balay kahapon sang aga tubtob nga na-impito ang suspek.
Nagkuha sang tubo ang suspek kag ginlampusan ang biktima sa guya.
Preso sa Estancia Police Station ang suspek nga 22-anyos samtang ginahulat ang mga dokumento sa pagpasaka sang kaso nga parricide suno sa police. — Aksyon Paula Elambayo
