Jobhire sang Balasan LGU nadakpan sa buy bust operation
ILOILO— Nakuhaan sang P571,200 nga balor sang suspected shabu ang 48-anyos nga lalaki nga subject sa drug buy bust operation sa Brgy Maya, Balasan kagab-i.
Ginkilala ni Corporal Victorino Bundac, imbestigador sang Balasan Municipal Police Station ang subject kay alyas Benben sang Bayuyan, Estancia kag nagatrabaho nga job hire sang Balasan LGU.
Duha ka bulan nga gin-monitor sang police ang subject kag natukiban nga nagagamit kag nagabaligya siya sang illegal drugs.
Na-recover sa subject ang anum ka sachets sang suspected shabu nga nagabug-at sang anum ka gramo.
Sa Estancia lang nagakuha sang supply sang illegal drugs ang subject kag ginabaligya sa kaiping nga kabanwahanan. — Aksyon Farrah Mae Morano
