Lalaki nga nagwaras sa Robinsons mall sa City Proper nakuhaan sang suspected shabu
Nakuhaan sang isa ka sachet sang suspected shabu ang lalaki nga nagwaras sa sulod sang Robinsons Mall sa City Proper pasado las-9 subong nga aga.
Suno sa mga guwardiya sang mall, ginpangsipa sang lalaki ang mga standee malapit sa KFC gani ila ginrespondehan.
Ginposasan sang mga guwardiya ang lalaki kag gintawgan sang police.
Nakuha sang mga guwardiya sa lalaki ang duha ka mga screw driver nga iya ginataklos.
Gin-ako man sang lalaki nga ginpangsipa niya ang mga standee.
Sang ginrekisa sang police, nakuha sa tuo nga bulsa sang lalaki ang isa ka sachet sang suspected shabu.
Gindala na sa Police Station ang lalaki. — Aksyon Khenjo Terco/Aksyon Marvin Malificiar
