38-anyos nga lalaki patay sang nakuryente sa Passi City
ILOILO — Patay ang 38-anyos nga lalaki sang nakuryente sa Brgy. Tubod, Passi City pasado las-8 kaina sang aga.
Suno kay Fire Officer 1 John Kevin Isiderio sang Bureau of Fire Protection-Passi City, ginapas-an sang lalaki ang rolyo sang kable sang kuryente sang natabo ang insidente.
Sa pagpangusisa sang BFP-Passi City, sayluhon kuntani sang lalaki ang kable sang kuryente sa pihak nga balay.
Pag-abot sa lugar, naga-angut ang kable sang kuryente sa poste gani nakuryente tungod live wire suno sa BFP.
Gindala sa ospital ang lalaki pero gindeklarar nga dead-on-arrival. — Aksyon Paula Elambayo
