1 patay, 3 pilason sang naglapaw kag nahulog sa kahilamunan ang awto sa Man-it, Passi City
ILOILO—Patay ang isa sa tatlo ka sakay sang awto nga naglapaw sa karsada kag nahulog sa kahilamunan sa Brgy. Man-it, Passi City las-3:59 kaina sang kaagahon.
Suno kay Police Captain Maria Rosario Miranda, PIO sang Passi City Police Station, napatay ang 20-anyos nga lalaki nga nagapungko sa back passenger seat tungod naipit sang nagtabog kag nagbaliskad ang salakyan.
May mga pilas naman sa lawas ang tatlo pa ka sakay sang salakyan.
Sa initial nga impormasyon, pakadto sa City Proper ang awto sang nag-overshoot pag-abot sa bypass road.
Indi pa ma-establisar sang pulis kon ano ang rason sang pagka-aksidente sang awto. — Aksyon Farrah Mae Morano
