18-anyos nga dalaga nga nasapwan patay sa sulod sang iya kwarto sa Tubungan positibo nga gin-abusuhan sexual base sa autopsy result
ILOILO— May patimaan nga gin-abusuhan sexual si alyas Kendi, 18-anyos nga nasapwan patay sa sulod sang iya kwarto sa Brgy. Ingay, Tubungan sang Hunyo 17.
Ini ang ginkumpirmar ni Dr. Owen Lebaquin, medico legal officer nga nag-autopsy sa bangkay sang babaye.
Ginpabutyag niya nga may malaba nga pilas sa tuo nga mata ang babaye nga posible naigo sang pwertahan sang ginbuksan ang kwarto.
May mga bagras man sa tuhod ang babaye nga ginalantaw nagkamang.
Apat naman ka lagub ang naagum sa alimpuduhan sang babaye nga posible tuga sang pagkasumbag samtang nagatalikod.
May bagras man sa hita kag sa kinatawo sang dalaga nga nakit-an, patimaan nga sexually abused ang babaye. — Aksyon Farrah Mae Morano
