Bangkay sang babaye nasapwan sa kamaisan sa San Enrique, Iloilo
\ILOILO— Nasapwan sang concerned citizen ang bangkay sang babaye sa kamaisan sa San Antonio, San Enrique subong nga aga.
Suno kay Lt. Christy Val Dalde hepe sang San Enrique Municipal Police Station, nagatakilid ang babaye sang nasapwan sa kamaisan.
Nakasuksok sang puti nga sleeveless, orange nga shorts, wala sang tsinelas, kag may tattoo sang imahen ni Jesus Christ sa likod. Wala sang kagamitan sa palibot sang lugar.
May lagub sa magtimbang nga paa, kag tuo nga porsyon sang guya ang babaye. Indi pa matumod ang gintunaan sang lagub sang babaye, suno sa police.
Ginalantaw sang police nga posible sa iban mga lugar ginhimo ang krimen kag ginhal-id lang ang biktima.
Wala pa sang identity ang kapulisan sa babaye. — Aksyon Farrah Mae Morano
